Haglabyssuvöllur.

Öryggisreglur eru einfaldar:

þegar byssur eru ekki í notkun skulu þær  vera opnar og óhlaðnar. Aldrei má beina hlaupi að öðru en viðurkenndu skotmarki.

Hver og einn ber ábyrgð á sjálfum sér.

• Þegar komið er að eða frá skotsvæði skal hafa byssur í þar til gerðum umbúðum
• Ávallt skal umgangast byssur eins og þær væru hlaðnar.
• Skyttum ber að nota viðeigandi persónuhlífar.
• Aðeins er heimilt að fara með byssur óvarðar á milli byssugeymslu/vallarhúss og skotstæðis.
• Aðeins er heimilt að meðhöndla byssu á skotstæði.
• Skotmaður skal hafa byssu opna ,meðhöndla hana eins og hún sé hlaðin og beina  hlaupi ávallt í viðurkennda skotstefnu.
• Æfingastjóri heimilar skotmanni að taka sér stöðu með byssu, hlaða og skjóta.
• Aðeins er heimilt að skjóta í viðurkennda skotstefnu á viðurkennd skotmörk.
• Ef skoða þarf skotmark skal byssa vera opin og er óheimilt að meðhöndla hana á  meðan.
• Þurfi maður að meðhöndla byssu utan skotstæðis, skal fá leyfi æfingastjóra.
• Æfingastjóri stjórnar æfingum og ber ábyrgð á að reglum þessum sé og skal skotmaður hlýða settum æfingastjóra.
• Öryggisreglur sem ganga lengra í einstaka skotgrein skulu gilda á viðkomandi æfingu.  Einnig geta    á ákveðnum lokuðum æfingum gilt aðrar reglur, sem eru þá kynntar þátttakendum hverju sinni.
• Aðeins er heimil notkun skráðra byssa á skotsvæðinu, og skal handhafi byssu geta sýnt fram á skotvopnaleyfi sé þess óskað.
• Félagsmenn skulu geta framvísað félagsskýrteini sé farið fram á það.
• Brot á reglum og eða slæm umgengni geta varðað brottrekstri af skotsvæðinu.

Að æfingu lokinni:

 Tínið upp tóm skothylki og annað er við á.

Æfingarstjóri: Slekkur á vélum, lokar lúgum og gengur frá snúrum

Umgengni lýsir innri manni !