Bogabraut.

Öryggisreglur eru einfaldar: þegar bogi er ekki í notkun skal ekki vera ör á streng.

Aldrei má beina ör að öðru en viðurkenndu skotmarki.

Hver og einn ber ábyrgð á sjálfum sér.

• Þegar komið er á eða farið frá skotvelli er æskilegt að hafa boga og örvar í þar til gerðum umbúðum og að bogar séu óstrengdir ef kostur er.
• Bogar skulu ávallt vera í rekka/standi þar til  æfingar hefjast.
• Æskilegt er að nota viðeigandi persónuhlífar eins og armhlíf og fingurhlíf ef við á.
• Ganga skal úr skugga um að búnaður sé í lagi og örvar séu heilar áður en æfing hefst.
• Séu fleiri en einn við æfingar þá er óhemilt að sækja örvar fyrr en allir eru hættir að skjóta. Það er almenna reglan.
• Óheimilt er að draga og „þurrskjóta“ af boga.
• Ekki skal leggja ör á streng og draga boga fyrr en staðið er á skotlínu og í skotstefnu brautarinnar.
• Séu aðrir en skyttur á/við bogabraut ber þeim að vera aftan við skyttur og sýna háttvísi í umgengni.
• Þegar ör er dreginn úr skotmarki þá skal ganga úr skugga um að enginn sé fyrir aftan skyttu þannig að ekki sé hætta á að örin rekist í viðkomandi  þegar dregið er úr markinu. Mjög mikilvægt að muna þetta.
• Aðeins má skjóta í skotstefnu brautarinnar á viðurkenndar skotskífur, eða önnur viðurkennd skotmörk. Öll skotmörk í mannslíki eru BÖNNUÐ.
• Leyft er að nota allar gerði af bogum í bogabraut nema lásboga, og skal handhafi boga geta sýnt fram á grunn færni og þekkingu í notkun hans sé þess óskað.
• Á ákveðnum lokuðum æfingum geta gilt aðrar reglur, sem eru þá kynntar þátttakendum hverju sinni.
• Félagsmenn skulu geta framvísað félagsskirteini sé farið fram á það.
• Brot á reglum og eða umgengni geta varðað brottvísun af svæðinu.

Að æfingu lokinni:

Skal fjarlægja notaðar skotskífur af skotmörkum.

Ónotaðar markskífur, festipinnar, standar og annar búnaður skal settur á sinn stað eða þar sem við á.

 Umgengni lýsir innri manni !